Video: Kijana apoteza ulimi kwa kung'atwa wakati wakinyonyana ndimi na mwanamke.

Kijana Said Mamba (24) mkazi wa Mandewa, Manispaa ya Singida, amelazwa hospitali baada ya kung’atwa sehemu ya ulimi wake na mwanamke waliyekuwa wakinyonyana ndimi.

Mamba ambaye kwa sasa hawezi kuzungumza, aling’atwa Septemba 12, saa 3:30 usiku wa kumkia Sikukuu ya Idd el Hajj.

Alisema siku ya tukio alikutana na mwanamke huyo kwenye grosari iliyopo eneo la Mandewa na baadaye mwanamama huyo alimwomba amsindikize nyumbani kwake.

“Nilikubali kumsindikiza, tukiwa njiani aliniomba tufanye mapenzi. Nilipokataa alinilazimisha na baada ya kuona sitaki aliomba tuagane kwa kunyonyana ndimi, nilikubali ombi hilo,” alisema.

Mamba alisema wakati wakiendelea, mwanamke huyo alianza kumvua mkanda wa suruali lakini alimzuia ndipo alipomng’ata ulimi na kuondoka na kipande.

Source: Bongo5

Facebook Blogger Plugin by inno

Filed Under: BURUDANI NA MICHEZO, HABARI NA MATUKIO, UDAKU, WASANII Friday, September 16, 2016